【中秋佳節-海外篇】

【外地收入如何借按揭？】

 

一年一度中秋節又嚟啦！所謂每逢佳節倍思親，中秋節除咗食月餅、賞月、玩燈籠外，更重要是可以和家人、朋友聚首一堂。可惜今年因疫情關係，有不少海外親友唔能夠回港慶祝…..

講起海外，小編經常收到查詢：冇香港身份證做唔做到按揭架？外地收入計唔計到做收入證明呢？

 

答案是可以的，跟據金管局指引，冇香港身份證並不是重點，反而收入是否來自香港，這個才是決定性的地方，以下有幾個要點：

 

1) 海外收入的借款人需提供近6個月的出糧戶口記錄、公司信、當地稅單證明。

 

2) 入息文件大多需要是英文或中文，如是其他地區文字如：日文和韓文等等，銀行會個別審批，亦會建議客人經認可的翻譯員做翻譯，而自己上網翻譯一般是唔接受的。

 

3) 大部份銀行只會計稅後的收入。

 

4) 金管局措施規定“申請入收入非來自香港”，樓價$1,000萬以下 按揭成數5成 (上限$400萬)；樓價$1,000萬以上 按揭成數4成。

若借款人能證明他們與香港有緊密連繫，例如：

 - 申請人是本港僱主派駐外地工作，並有僱主提供的文件證明

 - 借款人的直系親屬(配偶、父母、子女) 在香港定居，需提供結婚證書、出世紙、地址證明

符合上述豁免條件，按揭成數就可以提高至6成上限$500萬(貸款額$1,000萬以下) / 5成 (貸款額$1,000萬以上)，詳見下表：

樓價	最高按揭成數及上限
	申請人收入 非來自香港	符合豁免條件
$1,000萬或以上	4成	5成
$1,000萬以下	5成(上限$400萬)	6成(上限$500萬)

 

5) 按揭保險的高成數計劃，借款人需要有香港身份證，亦要符合上述所講的豁免條件才能將海外入息當作收入。但要留意按保公司批核的大原則是要自用，必須有合理原因解釋海外工作者如何自用香港物業？那一位會是居住者？和借款人是否直系親屬關係？居住者本身有沒有其他物業和固定收入？等等問題都是按保公司所關注的，一律個別審批。

 

6) 銀行是接受海外借款人透過電郵遞交申請文件，但提取貸款之前必須到銀行作核實身份一次，所以記得要預留時間做隔離呀。

 

“你去想一想 你去看一看 月亮代表我的心”小編想起這首歌，想講雖然未能聚在一起，但同一天空下，一齊望住月光開zoom食湯圓，其實大家早就喺你身邊，感覺一樣團團圓圓，祝大家中秋節快樂！