【按揭智庫】香港花劍奧運第一金!咁獎金計唔計入息㗎?

27/07/2021
標籤: 按揭智庫

【按揭智庫】香港花劍奧運第一金!咁獎金計唔計入息㗎?

 

金呀!金呀!係金牌呀!「劍神」張家朗為香港摘下史上第二面奧運金牌,亦係香港第一面男子花劍奧運金牌!其實過程一啲都唔簡單,張家朗有場賽事曾只差一分就出局,咬緊牙關一分一分追上、反勝,再打決賽奪冠,全港市民都齊心為佢打氣!

 

望住家朗踏上頒獎台,即有傳媒報導他可獲獎金最少$750萬,小編就職業病上身,諗諗呢筆獎金用嚟買樓個陣,又計唔計落收入做按揭呢?

 

向銀行了解後,原來大多數銀行都認為獎金唔屬於持續性收入,所以唔會計入入息。入息一般只會計運動員喺體院(香港體育學院)嘅固定津貼或公司聘請作教練嘅收入。如果係freelance形式,私人教授運動就必須有稅單證明。如果想知多啲,可以隨時搵我哋傾下。

 

中原按揭唔單止幫大家格到最抵,搵按揭優惠,仲會細心為大家諗多步,預早知道銀行批核準則,就好似運動員咁做足準備,做按揭就淡淡定冇有怕啦!

 

中原按揭會全力支持香港運動員,可以喺東奧取得超卓佳績,繼續衝擊獎牌,加油加油!

 
實用貼士
如需進一步了解詳情,歡迎與我們的專業按揭顧問聯絡。
中原按揭客戶服務熱線 2889 2886 | Whatsapp 9228 2138

 

 

 

相關資訊 更多>

格到至抵計劃更多>

計算機